Cuarteto de Anscombe
O cuarteto de Anscombe comprende catro conxuntos de datos que teñen as mesmas propiedades estatísticas, porén, ao inspeccionar os seus gráficos respectivos resultan ser notoriamente distintos.
Construídos por F. J. Anscombe, cada conxunto consiste en once puntos (x, y). Podes velos todos na folla de cálculo.
O primeiro conxunto mostra o que semella unha relación lineal simple, correspondente a dúas variables correlacionadas cumprindo coa suposición de normalidade. O segundo conxunto non está distribuído normalmente; namentres se observa relación entre os datos esta non é lineal e o coeficiente de correlación de Pearson non é relevante. No terceiro conxunto a distribución é lineal, mais observamos que o dato extremo inflúe o suficiente como para alterar a liña de regresión e diminuír o coeficiente de correlación de 1 a 0,82. Por último, o cuarto conxunto é un exemplo de mostra na que un valor atípico é suficiente para producir un coeficiente de correlación alto incluso cando a relación entre as dúas variables non é lineal.