Майкрософт Боловсролд
- Зохиогч:
- Navchaa Tserendorj
Сэдэв: “Майкрософт Боловсролд”
Илтгэгч: Я.Цэцэг-Өлзий, Майкрософтын Монгол дахь Боловсролын хөтөлбөр хариуцсан менежер
Хэзээ: 2011 оны 12 сарын 16-нд 16.20 цагаас
Хаана: МУИС, МКС, 310 тоот
Хураангуй
Майкрософт нь дэлхийн нийтийн боловсролыг шинэчлэх, 21-р зууны ур чадварыг суралцагчдад эзэмшүүлэх, багш нарыг хөгжүүлэх зорилгоор 50 гаруй оронтой Боловсролын Эвслийн гэрээ байгуулан ажиллаж байна. Боловсролын хөтөлбөрүүд дотроос Partners in Learning, IT Академи, Live@edu, Dreamspark хөтөлбөрүүдийг хэрэгжүүлэх саналыг БСШУЯ-нд тавиад байна.
Microsoft Partners in Learning хөтөлбөр нь технологийг сургалтанд бүтээлчээр ашиглахад чиглэсэн багшийн хөгжлийг дэмжих, өөр хоорондоо хамтран ажиллах үйл явцыг дэмждэг бол IT Академи гишүүнчлэлтэй хөтөлбөр нь багш, оюутнуудад зориулсан Майкрософтын сургалтын хөтөлбөр, сертификат, сургалтын материал, хичээлийн танхим ба лабораторид ашиглахад зориулсан програм хангамжийн лиценз, цахим курсуудыг санал болгож улмаар тэднийг Майкрософтын аппликэйшнуудыг мэргэжлийн түвшинд ашиглах, Майкрософтын технологиудыг эзэмшсэн сертификат авахад нь дэмжлэг үзүүлдэг байна.
Live@edu нь оюутан, төгсөгчдөд зориулсан, гар утас, дэсктоп, вэбэд суурилсан аппликэйшн бөгөөд тэд үүнийг ашигласнаар кампуст хамтран ажиллах, харилцах өргөн боломжтой болдог.
DreamSpark бол Майкрософтын хөгжүүлэгчдийн болон дизайны хэрэгслүүдийг оюутнууд үнэ төлбөргүй татан авч, техник дизайн, технологи, математик, шинжлэх ухаан, инженерингийн мэдлэг ур чадвараа хөгжүүлэхэд нь туслах хөтөлбөр юм. Түүнчлэн Майкрософт нь Монгол Улсын БСШУЯ-нд Кампус, сургуулийн гэрээ байгуулах санал тавьж байгаа ба ингэснээр сургалтын байгууллагууд хамгийн боломжтой үнээр лицензтэй програм хангамж, шийдлүүдийг ашиглах боломжтой болох юм.
Microsoft Education 2011.12.16
