Врата што се врти.
Врата што се врти вклучува три крила кои се вртат во кружен простор.
Внатрешниот дијаметар на овој простор е 2 метри (200 cm). Трите крила на вратата го делат просторот на три еднакви сектори.
Аплетот ги покажува крилата на вратата и со вклучување на наимацијата вратата се врти, гледана одозгора.
Прашање 1:
Колкава е големината, изразена во степени, на аголот што го формираат две крила од вратата?
Прашање 2:
Двата отвори на вратата (лаците на аплетот означени со црвена испрекината линија) се со иста големина.
Ако овие отвори се премногу широки, подвижните крила не можат да обезбедат непропусен простор и тогаш воздухот може да струи слободно помеѓу влезот и излезот, предизвикувајќи несакана загуба топлината или добивање на топлина.
(Поместувај ја точката D за да видиш како се променува должината)
Колкава е максималната должина на лакот во сантиметри (cm) што може да ја има секој отвор од вратата, така што воздухот никогаш слободно да не струи помеѓу влезот и излезот?
Прашање 3:
Вратата прави 4 целосни ротации за една минута. Во секој од тие сектори има простор за најмногу две лица.
Кој е максималниот број на луѓе што може да влезат во зградата низ вратата за 30 минути.
Понудени одговори за Прашање број 3.
А. 60
Б. 180
В. 240
Г. 720